Derisa vite më parë policia vlerësohej si institucioni më i besueshëm, tani si duket e ka humbur këtë epitet dhe paknaqësit e qytetarëve ndaj zyrtarëve policor asesi nuk ndalen.
Jo pak zyrtarë policor vazhdojnë të mos respektojnë jo vetëm uniformën, por edhe ligjet, duke i sjellur në mënyrë të kundërligjshme me rregullat dhe duke i shkaktuar dëme jo të vogëla edhe qytetarëve.
Pos kryerjes së veprave penale të rasteve të rënda të vrasjeve që janë bërë kohëve të fundit nga disa policë, ata po kryejnë edhe veprat penale të nepotizmit apo familjarizmit, ku në polici janë punësuar familjarë jo të pakët, duke krijuar edhe grupe të fuqishme familjare dhe krim ky i organizuar i pandëshkuara nga askush.
Jo pak zyrtar policor, duke mbajtur pozitat e tyre dhe lidhjet familjera breeda policisë, po i shkaktojnë qytetarëve të ndershëm probleme e raste për vepra të pa kryera, derisa nuk kanë guximin e përballjes me shkelësit e ligjit…
Pra zyrtarë policor vazhdojnë të kryejnë vepra të ndryshme penale e kundërvajtëse dhe ndaj tyre jo shpesh herë ndërmirren veprime, duke u mbrojtur jo vetëm nga famailjarët brenda policisë, por edhe nga eprorët e tyre të cilët janë në dijeni për veprimet e tyre, por pa ndërmarr veprime.
Pra jo pak policë po sillen jo si duhet me qytetarë, por edhe me kolegët e tyre në mënyrë banditeske, duke menduar se janë të paprekshëm.
Nga ana tjetër vetëm gjatë këtij viti rreth 800 ankesa janë deponuar ndaj zyrtarëve policor tek Inspektorati Policor, ku rreth gjysma e tyre janë duke u hetuar për vepra penale, e pjesa tjetër sipas hetimeve nuk kanë pasur elemente të veprave penale pos atyre diciplinore.
Sivjet janë arrestuar 11 zyrtarë policor, derisa janë suspenduar 34, por nuk jepen veprat penale për të cilat dyshohen.
Policia e vendit tani më ka nevojë për një pastrim, e ku duhet ndaluar rreptësht familjarizmi jo i pakët që ka kapluar kët institucion.
Nga Inspektorati Policor tregojn për “Syri.net”, se nga muaji janari deri në fund të muajit korrik 2020 kanë pranuar gjithsej 791 ankesa , ku prej tyre në Departamentin e Hetimeve -IPK janë dërguar 324 ankesa për hetim penal dhe 5 ankesa janë dërguar në për hetime disiplinore.
Kurse në mungesë të elementeve të veprës penale 458 ankesa janë dërguar në Drejtorinë e Hetimeve të Brendshme dhe Verifikim të Kaluarës në Policinë e Kosovës (DHBVK) për hetim disiplinor.
Nga Inspektorati Policor tregojnë se gatë periudhës kohore 01.01.2020 – 30.07.2020, IPK-ja, përkatësisht Departamenti i Hetimeve, me autorizim të prokurorit dhe në bashkëpunim me Policinë ka arrestuar njëmbëdhjetë zyrtarë policorë dhe tre staf civil.
Sipas tyre të suspenduar janë tridhjetë e katër zyrtarë policorë dhe tre staf civil, ndërsa të transferuar nuk ka asnjë zyrtar policor e as staf civil.
Sipas Syri.net, Departamenti i Hetimeve si obligim ligjor të saj gjatë kësaj periudhe kohore ka arrestuar edhe tre qytetarë.
