Dembele flet me nostalgji për Dortmundin: Do të jetë emocionuse!

Ylli i Barcelonës, Ousmane Dembele, ka dhënë disa komente lidhur me ndeshjen që Barcelona do ta luajë kundër Borussia Dortmund.

Dembele kaloi disa vite me skuadrën gjermane para se të kalonte në ‘Camp Nou’, dhe ato vite ishin prej më të mirave të tij deri më tani.

Sigurisht, para kësaj ndeshje, Dembele ka bërë të ditur se do të jetë ndeshje speciale për të, pasi do të ketë shumë emocione.

“Dortmund do të jetë ndeshje speciale për mua. Unë kam akoma disa ish shokë skuadre aty. Ne dot ë jemi rivalë, por asgjë nuk ndryshon. U largova tri vite më parë dhe nuk i kam parë që atëherë” ka thënë Dembele, transmeton lajmi.net.

“Emocionalisht do të jetë e vështirë, por unë do të jem i lumtur që i takoj ata dhe do të luaj kundër tyre” shtoi francezi.

Ousmane Dembele me shumë gjasë do të jetë startues në këtë ndeshje, pasur parasysh performancën e tij në ndeshjen që Barca dje e luajti kundër Leganes./Gazeta Mejdani/