Një delegacion i armenëve të Karabagut mbërriti në qytetin azerbajxhanas Yevlakh për t’u takuar me autoritetet e Azerbajxhanit, transmeton Anadolu Agency.
Agjencia shtetërore azerbajxhanase e lajmeve “Trend” njoftoi se përfaqësuesit armenë shoqërohen nga paqeruajtësit rusë.
Azerbajxhani të martën njoftoi se nisi masat “kundër-terrorizmit” në Karabak për të mbështetur dispozitat e përshkruara në marrëveshjen trepalëshe të paqes me Rusinë dhe Armeninë për t’i dhënë fund konfliktit të vitit 2020.
Dje në mëngjes, Ministria e Mbrojtjes e Azerbajxhanit tha se vendosi të ndalojë operacionet sipas një marrëveshjeje të arritur me komandën e kontigjentit paqeruajtës rus.
Marrëdhëniet midis Azerbajxhanit dhe Armenisë kanë qenë të tensionuara që nga viti 1991, kur ushtria armene pushtoi Karabakun, një territor i njohur ndërkombëtarisht si pjesë e Azerbajxhanit, si dhe shtatë rajone përreth.
Në vjeshtën e vitit 2020, Azerbajxhani çliroi disa qytete, fshatra dhe vendbanime nga pushtimi armen gjatë luftimeve që zgjatën 44 ditë. Lufta përfundoi me një armëpushim të ndërmjetësuar nga Rusia.
