Aktori Çun Lajçi, ka reaguar pas numrit të votave që mori Sllavko Simiq si nënkryetar i Kuvendit të Kosovës. Ai mori gjithsej 91 vota, kurse Glauk Konjufca mori vetëm 69 si kryetar i Kuvendit.
Lajçi i mllefosur me këtë fakt, ka shkruar në Facebook se “si patën zemër deputetët e Kosovës me votu Simiqin me 91 vota, e Konjufcën me 69!
“Edhe sa mija herë do me na dëshpërua Gjeneral Haradinaj për fotelet tua, e ti Enver i “Lirisë që ka emen” se s’po muj me vdekë prej patriotizmit tuej t’tepruem!”, shkroi Lajçi
Postimi i plotë i Lajçit:
Nga shtrati i djersve
Ju s’e leni me dekë njeriun, Ju që thirreni n’atdhedashuni, trimni e istitucionalizëm e mua pak po m’duket ky covid që po ma merr frymën, me m’zhdukë krejtë!
E s’po mundem pa u shkrue:
– Mos lashtë Zoti pa iu marrue more hileçarë, po si patet zemër me votue nji Simiq me 91 votë e nji Glauk me 69?!
– Edhe sa mija herë do me na dëshpërua Gjeneral Haradinaj për fotelet tua, e ti Enver i “Lirisë që ka emen” se s’po muj me vdekë prej patriotizmit tuej t’tepruem!
Shkrova se vllau mërgimtar nga Wjena, Nazmir Alija i Kumanovës, m’thotë: po du me qajtë e s’po mundem e zemra po me coptohet kur po shoh ç’po bahet n’Kosovën e mjerueme skajshmërisht!
M’falni, por tani edhe unë jam keq!
