Disa mesazhe të rëndësishme mund të nxjerren nga marrëveshja e sontme në samitin e katërfishtë në Madrid mes Turqisë, Suedisë dhe Finlandës.
Shkruan: Abdylvehab Ejupi, TRT World
– Fakti që Suedia dhe Finlanda duhet të pranojnë kërkesat e Turqisë është një arritje historike për diplomacinë turke. Këmbëngulja e presidentit Erdogan në adresimin e shqetësimeve te sigurisë perkundër gjithë aleancës, është arsyeja më e rëndësishme e këtij suksesi.
– Sekretari i Përgjithshëm i NATO-s ka një vend/kontribut shumë të veçantë në heqjen e bllokadës së Turqisë, Suedisë dhe Finlandës për anëtarësimin në NATO. Ai ishte i sinqertë dhe bëri përpjekje të shumta dhe ia arriti.
– Finlanda dhe Suedia konfirmojnë se PKK, dhe më e rëndësishme, krahët e saj YPG/PYD janë gjithashtu organizata terroriste. Së pari herë në nje dokument zyrtar, ndërkombëtar bëhet një njoftim i tillë.
– Ky vendim nuk nënkupton anëtarësim të plotë. Nëse angazhimet e dhëna brenda një kohe të shkurtër përmbushen, Turqia do të thotë po; Nëse nuk ka përparim, fjala e fundit është ende në duart e Turqisë, ratifikimi në parlament.
– Mesazh serioz për Rusinë dhe organizatat terroriste. Ky memorandum dëshmon qartë që Turqia nuk mbështetet Rusinë dhe nuk e ‘saboton’ NATOn nëpërmjet vetos së saj, por vetëm se kerkon që të te respektohen dhe adresohen shqetësimet e sigurisë që ka pasur nder vite. Gjithashtu dëshmon qe është mbështetës i madh i zgjerimit te NATOs jo vetem ne vendet skandinave por edhe ne Ballkan mbështet hapur anëtarësimin e Kosovës dhe Bosnjës.
– Reflekton pozitivisht për marrëdhëniet SHBA-Turqi. Sot në mëngjes dy presidentët realizuan nje lidhje telefonike (ditët në vazhdim do te mësojmë detajet nga ajo ) dhe nesër takimi Erdogan-Biden do të jetë në një atmosferë shumë pozitive dhe pritet të relaksohen marrëdhëniet bes dy vendeve. Shkëmbimi tregtarët ne mbi 100 miliardë dollarë, F-16, ndoshta edhe sistemi Patriot mund të jenë tema në tavolinë.
– NATO u forcua. Me Norvegjinë, Finlandën dhe Suedinë në veri, dhe Turqinë në jug, NATO do të jetë shumë e sigurt! E gjithë Aleanca përfiton!
