Kryetari i partisë Lëvizja për Drejtësi, Sylejman Çerkezi sot ka folur për rëndësinë e ndërtimit të Xhamisë Qendrore në Prishtinë. Ai në një paraqitje televizive ka nënvizuar faktin se debati i krijuar lidhur me ndërtimin e Xhamisë Qendrore ka ndjeshmëri të jashtëzakonshme, përcjell Gazeta Mejdani.
Sylejman Çerkezi në Info Magazine të KlanKosova ka potencuar gjithashtu se në Kosovë ka nevojë për debate të mirëfillta shkencore që japin mesazh në orientimin e krerëve apo institucioneve.
Për më tepër, kryetari i Lëvizjes për Drejtësi ka shprehur shqetësimin e tij teksa i sheh qytetarët e Prishtinës kur falen në trotuare. “Kjo”, thotë ai, “Ndodhë për shkak se nuk ka xhamia të mjaftueshme. Përgjegjësit e këtij vendi me gjithë qytetarët duhet të ndjejnë këtë gjendje të xhematit të Prishtinës”.
Në vazhdim ai ka thene se: ”Për mua lajmi i sotëm, paraqet një ndjeshmëri jashtëzakonisht të madhe. E shoh me një sy pak më ndryshe, jo vetëm çështjen e ndërtimit të Xhamisë”.
Sa i përket stilit të xhamisë, ai ka thënë: ”Nëse duhet të flitet për arkitekturën e Xhamisë, atëherë duhet të flasin njerëzit profesionalist dhe kompetentë për këtë punë”.
Xhamia Qendrore duhet të ndërtohet, sepse ajo është nevojë për qytetarët e kryeqytetit. E nisur nga nevoja për te, ndërtimi dhe përfundimi i xhamisë duhet të kryhet sa më shpejtë”, ka shtuar Kryetari i partisë Lëvizja për Drejtësi, Sylejman Çerkezi. /Gazeta Mejdani/
