Presidenti i Turqisë Recep Tayyip Erdoğan ka nisë bisedimet me homologun e tij rus, Vladimir Putin, në qytetin bregdetar rus të Detit të Zi, Soçi. Pika më e rëndësishme e rendit të ditës së samitit kritik është riaktivizimi i Korridorit të Drithërave të Detit të Zi, i cili është joaktiv prej 50 ditësh.
Korridori i grurit të Detit të Zi, i cili u vu në funksion vitin e kaluar me iniciativat e Turqisë dhe Kombeve të Bashkuara (OKB), por nga i cili Rusia u tërhoq më 17 korrik të këtij viti me arsyetimin se kërkesat e saj nuk u plotësuan, ka qenë jofunksional për 50 ditë.
Ankaraja, e cila prej pak kohësh ndjek diplomacinë aktive mes palëve për të ringjallur korridorin, është sërish aktive. Javën e kaluar, ministri i Jashtëm Hakan Fidan vizitoi Kievin dhe Moskën, ndërsa sot presidenti Erdogan do të takohet me homologun e tij rus, Putin, në Soçi. Në takim, vijimi i korridorit të krijuar për anijet që largohen nga portet e Ukrainës për të transportuar grurë në botë nëpërmjet Detit të Zi do të jetë pika prioritare e rendit të ditës.
Do të vlerësohen tema kritike si rifillimi i Korridorit të Grurit, kohëzgjatja e tij, sigurimi i tij, në cilat rajone do të shpërndahet, statusi i Qendrës së Përbashkët të Koordinimit në Stamboll dhe përmbushja e kërkesave të Rusisë.
