Bota e futbollit solidarizohet për fatkeqësinë në Shqipëri!

Ish-trajnerë të Kombëtares, por edhe drejtues më të lartë të futbollit në Europë janë solidarizuar me fakteqësinë që ndodhi në vendin tonë.

Tërmetet që kanë rënë në vendin tonë dhe që deri më tani fatkeqësisht kanë shkaktuar me dhjetëra vendime kanë sjellë reagimin në shenjë solidarizimi të shumë figurave të njohura të sportit në përgjithësi, por të futbollit në veçanti, duke filluar nga kreu i UEFA-s Aleksandër Ceferin, i cili nëpërmjet presidentit të FSHF-së Armando Duka, ka shprehur gadishmërinë për të ndihmuar vendin tonë.

Jo vetëm Ceferin, por edhe Christian Panucci janë solidarizuar me situatën. 

Ndërkohë ky është postimi i presidentit të FSHF-së Armando Duka:

“Miqtë e FSHF dhe Shqipërisë solidarizohen me ne, në këtë ditë të vështirë! Mora telefonata, mesazhe dhe propozime për ndihmë konkrete nga Presidenti i UEFA-s, Aleksander Čeferin, Zv/Presidenti Sándor Csányi, Presidenti i Federatës Italiane Gabriele Gravina, trajnerët De Biasi, Panucci, Reja e shumë miq të tjerë.

Biseda vëllazërore lidhur me situatën e krijuar nga tërmeti pata edhe me homologët e mi, Presidentin e Federatës së Futbollit të Kosovës Agim Ademi dhe Presidentin e Federatës së Futbollit të Maqedonisë së Veriut, Muamed Sejdini, të cilët shprehën solidaritetin dhe mbështetjen e tyre. Mirënjohje!”/Gazeta Mejdani/