Ish-kryeministri shqiptar Sali Berisha, ka reaguar për takimin e dytë mes tre liderëve të Ballkanit Perëndimor, që po mbahet në Ohër.
Kyreministri maqedonas Zoran Zaev, ai shqiptar Edi Rama dhe kryeministri serb Aleksandar Vuçiq janë takuar për herë të dytë brenda një muaji, pas Novi Sadit, për të diskutuar mbi të ashtuquajturin “Shengen Ballkanik”.
Këtë takim Berisha e ka quajtur sukses të “serbomadhit Vuçiq në krijimin e Jugosllavisë së Rë me ndihmën e Zografit Bis (Edi Ramës)”, përcjell Bota sot.
Berisha ka thënë se Vuçiq në Nish kishte rënë dakord me Ramën për përjashtimin e Kosovës nga Pakti i Nishit dhe lobimin nga Beogradi pranë Elize-së për çbllokimin nga Franca të hapjes së negociatave për Shqipërinë.
Ai ka theksuar se Zaev dhe Rama, po e mbështesin krijimin e Jugosllavisë së re.
Postimi i Berishës në Facebook:
Takimi i Ohrit, sukses i serbomadhit Vuçiçit ne krijimin e Jugosllavise se Re me ndihmen e Zografit Bis!
Miq, me paktin e Nishit, ne nje akt perçares antikombetar Zografi Bis perseriti pike per pike paktin Tito – Enver te bashkimit doganor ne kuadrin e shnderrimit te Shqiperise ne republike te 7-te te Jugosllavise. Burime shume te sigurta dipllomatike kane informuar se serbomadhi Vuçiç ne Nish kishte rene dakord me Zografin Bis per perjashtimin e Kosoves nga Pakti i Nishit dhe lobimin nga Beogradi prane Elize-se per çbllokimin nga Franca te hapjes se negociatave per Shqiperine. Mirepo ajo qe mbetet e qarte si kristali eshte se edhe takimin e Ohrit, Vuçiç e perdori per te paraqitur veten si udheheqes i rajonit dhe Zografin Bis dhe Zaevin si vasal te tij, te cilet de fakto por edhe de juro mbeshtesin krijimin e Jugosllavise se Re.
Denoj me ashpersine me te madhe politiken dhe qendrimin antikombetar te Zografit bis shnderruar tashme ne vegel te hapur te serbomadhit Vuçiç si dhe takimet perçarese trilaterale ne funksion te krijimit te Jugosllavise se Re. sb
Discussion about this post