Kryetari i Skënderajt, Bekim Jashari në 21 vjetorin e çlirimit ka bërë homazhe tek Kompleksi Memorial “Adem Jashari”, në Prekaz, në nderim të jetës e vepres heroike, luftës së shenjtë të Ushtrisë Çlirimitare të Kosovës.
Ai ka thënë se lufta heroike e kamandantit Legjendar Adem Jashari, babës Shaban, babushit Hamëzes, anëtarëve të familjes Jashari dhe gjithë të rënëve në altarin e Lirisë u bë gurëthemel i fortë i Pavarësisë.
“21 vite pas ende janë të freskëta kujtimet dhe emocionet që kishim në ditën e çlirimit dhe kthimit tim në vendlindje, takimi im me Besarten dhe vizita tek kompleksi memorial “Adem Jashari””, ka shkruar Jashari .
Nëpërmjet një postimi në Facebook ka thënë se edhe sot ka bërë thirrje për unitet, përtej dallimeve politike.
“Edhe sot bëra thirrje për unitet, përtej dallimeve tona poltike, të vazhdojmë punën e përbashkët duke ndjekur shembullin e atyre që u flijuan për këtë ditë. Po ashtu theksova faktin që për fat të keq Kosova ende nuk është në gjendjen për të cilën luftuan të parët tanë andaj sot më shumë se kurrë duhet punë e përkushtim por edhe dashuri me e madhe për vendin tonë. Lavdi të rënëve të Lirisë!”, përfundon Jashari.
