Është e tepërt të shkruhet më shumë për Behgjet Pacollin. Sepse atë e njohin të gjithë. Ai pa pikë dyshimi është shqiptari më i sukseshëm botë, më i pasuri, më i njohuri dhe ndër humanistët dhe filantropët më të mëdhenj në gjithë kombin shqiptar, shkruan Gazeta Mejdani.
Behgjet Pacolli është themeluesi i njërës prej kompanive më kredibile në botë, Mabetex. Ka qenë president i Kosovës, është president i AKR-së, mik i afërt me shumë personalitete botërore dhe, siç është e njohur, një vëlla, mik e dashamirë brilant. Këtë e thonë të gjithë familjarët dhe miqtë e tij.
Edhe Gazeta Mejdani shfrytëzon rastin t’ia urojë ditëlindjen, duke i dëshiruar shëndet e suksese në jetë!
Për ditëlindjen e Behgjet Pacollit sot ka shkruar edhe vëllau i tij, Selimi, i cili është nënkryetar i Komunës së Prishtinës. Ai ka thënë fjalë të mëdha për Bacin e tij duke ia përmendur se është njeri me vyrtyte të larta, humanist i madh, i devotshëm dhe punëtor i paepur.
Më poshtë lexojeni postimin e tij të plotë në Facebook:
Çfarë të shkruaj?
Për njeriun që ishte dhe mbetet frymëzim dhe inspirim i jetës sime dhe jo vetëm!
Njeriu që çdo faqe të jetës e ndërtoi mbi themelet e gurta të filozofisë së punës dhe djersës duke angazhuar edhe indet më të thella të dijes dhe logjikës, për të qenë shembulli më i mirë i njeriut sepse vetëm puna, respekti, dashuria dhe humanizmi ndaj njeriut është virtyti dhe devotshmëria më e mirë e tij.
Andaj, fjalët janë të pakta për t’i përshkruar virtytet tua njerëzore.
Por thjesht po e them,
E gëzofsh ditëlindjen! Paç shëndetin dhe qofsh i bekuar nga Krijuesi i gjithësisë.
/Gazeta Mejdani/
Discussion about this post