Bashkimi Evropian vitin e kaluar importoi 3 milionë ton kafe nga jashtë me vlerë 7.5 miliardë euro (8.4 miliardë dollarë) bëri të ditur sot Zyra statistikore evropiane.
Importet e kafesë të BE-së u rritën me 14 për qind në vitin 2019 kundrejt 10 viteve më parë, njoftoi Eurostat.
Burimet kryesore të kafesë së Unionit ishin Brazili (932.000 ton), Vietnami (673.000), Hondurasi (221.000), Kolumbia (166.000), Uganda (145.000), India (137.000), Peru (113.000), Etiopia dhe Zvicra (të dyja 80.000) dhe Indonezia (77.000 ton).
Blerësit më të mëdhenj të kafesë në bllok ishin Gjermania me 1.1 milion ton e ndjekur nga Italia, Belgjika, Spanja dhe Franca.
Ndërkohë, 1.8 milion ton kafe të pjekur me vlerë 10 miliardë euro u prodhuan në BE, kryesisht në Gjermani, Itali dhe Spanjë.
Një tetori shënohet si Dita Ndërkombëtare e Kafesë, theksoi Eurostat.
