Gjëja më interesante në këto zgjedhje në Komunën e Ferizajt është se atje janë dy vëllëzër që kandiduan nga dy parti të ndryshme. Xhemajli nga PDK e Emrushi nga LVV.
I pari, Bajrushi pra, po del të jetë më i votuar se i dyti. Ai gjithsej ka marrë 5608 vota.
Në Ferizaj ka përfunduar numërimi i të gjitha votave ku Lëvizja Vetëvendosje ka dalur fituese me 17.221 vota apo 34.34 përqind, pasuar nga PDK’ja me 12.771 apo 25.47 përqind.
Bajrush Xhemajli që kandidoi me PDK’në mori kogja vota në komunën e tij, ai fitoi gjithsej 5608 nga bashkëvendasit e tij.
Sidoqoftë, rezultat tjetër tregoi vëllai i tij Emrushi.
Ndonëse ende nuk është publikuar lista e VV’së në këtë komunë, bëhet e ditur se 4 figurat që morën më së shumti vota kanë qenë Valon Ramadani, Hekuran Murati, Haki Abazi dhe Dimal Basha, ndërsa emri i Emrush Xhemailit nuk figuron askund.
Se sa vota saktësisht ka marrë ky kandidat i Vetëvendosjes, pritet të shihet ditëve në vazhdim kur edhe do të publikohen listat e plota.
Mbetet të shihet nëse ndonjë vëlla apo anëtar tjetër i kësaj familje ka kandiduar nga ndonjë parti e tretë, apo, së paku të jetë anëtar i ndonjë partie jashtë PDK-së dhe VV-së.
Discussion about this post