Teologu dhe njohësi i marrëdhnieve ndërkombëtare, Mustafë Bajrami ka thënë se Turqia po krijon tre liderë të rinj që do të zëvendojnë elitën e tanishme politike atje, përcjell Gazeta Mejdani.
Kjo deklaratë e tij në Kosovë dëgjohet për herë të parë dhe konsiderohet si një analizë paralajmëruese për politikën e ardhshme turke.
Ndër liderët e rinj që pret të marrin udhëheqjen e jetës politike ai ka përmendur Fatih Erbakanin, djali i ish-kryeministrit të Turqisë Nexhmedin Erbakan, pastaj ka folur për Sinan Ogan se mund të vijë në krye të partisë nacionaliste turke MHP, si dhe në krye të partisë republikane kryetari i tanishëm i Stambollit, Ekrem Imamoglu.
Për Fatih Erbakan dhe partinë e tij “Yeni Refah PArtisi” ka thënë se ishin befasia e këndshme në zgjedhjet e 14 majit në Turqi.
Ai gjithashtu ka thënë se presidenti turk, Rexhep Tajip Erdogan, ka përparësi për ta fituar balotazhin dhe ka rënditë tri arsyet kryesore pse mendon kështu.
Në emisionin Edicioni Special në Klan Kosova, Bajrami ka shtuar se njëri prej katër kandidatëve, Sinan Ogan me 5.2 për qind të votave, do të ja ofrojë ato Erdoganit për shkak të lidhjeve të tij me MHP-në.
“Në raundin e parë, Erdogan siç mund ta dini ka marrë 49.51 për qind të votave që nuk ka qenë mjaftueshëm ta kryejnë punën në raundin e parë”.
“Unë mendoj se me që po shkojnë në raundin e dytë, Erdogani ka përparësi të dukshme ndaj konkurrentit të tij Kemal Kılıçdaroglu, për shumë arsye”.
“Njëri nga katër kandidatët, Sinan Ogan me 5.17 për qind të votave, do të ja ofrojë Erdoganit për shkak të lidhjeve të tij me MHP-në, partinë që është në pushtet së bashku me AKP-në e Erdoganit”.
Tutje, Bajrami ka vlerësuar se vetëdija e popullit turk është parë se është mjaftueshëm e aftë për ta parë rrezikun nëse parlamenti është në dorën e një krahu politik, ndërsa presidencën ta merr personi nga krahu tjetër.
Ai gjithashtu ka folur për konkurencën midis kulturave dhe shteteve të fuqishme të botës. “Nuk është e quditshme pse mediat e vendeve perëndimore sulmojnë Erdoganin. Sepse Erdogan ka bërë vendin e tij konkurrent të fuqishëm ekonomik, diplomatik dhe ushtarak në botë” ka shtuar ai.
“Unë mendoj se edhe gjeokultura është në pyetje. Turqia është shtet islamik me popullsi shumicë dërmuese muslimane sunnite. Andaj, nuk është larg mendësh që midis vendeve perëndimore si trashëgimtare të kulturës së krishterë dhe Turqisë së vend islamik të ketë konkurrencë, xhelozi mbase edhe betejë sheo-kulturore”. Kjo ka qenë kështu gjithmonë dhe do të vazhdojë të jetë kështu në gjithë botën” ka thënë në fund të intervistës së tij, Dr. Mustafë Bajrami./Gazeta Mejdani/
