Danica Veinoviq, e ngarkuara me punë në ambasadën e Serbisë në Azerbajxhan, u thërrit në Ministrinë e Punëve të Jashtme të Azerbajxhanit me arsyetimin se vendi i saj dërgoi armë në Armeni gjatë kohës kur ndodhën përleshje në kufirin Armeni-Azerbajxhan.
Danica Veinoviq, e ngarkuara me punë në ambasadën e Serbisë në Azerbajxhan, u thërrit në Ministrinë e Punëve të Jashtme të Azerbajxhanit me arsyetimin se vendi i saj dërgoi armë në Armeni gjatë kohës kur ndodhën përleshje në kufirin Armeni-Azerbajxhan.
Sipas një deklarate të Ministrisë së Punëve të Jashtme të Azerbajxhanit, zëvendësministri i Jashtëm Halef Halefov, i cili priti në takim Veinoviqin, tha se ata kanë informacione të besueshëm dhe të verifikuar se një sasi e madhe municionesh, që përbëhej nga predhat për mortaja dhe predha të të kalibrit ndryshëm, ishin dërguar nga Serbia në Armeni.
Duke kujtuar se Armenia përdori më shumë topa dhe mortaja në sulmet e nisura në rajonin e Tovuzit më 12 korrik, Halefov tha se si rezultat i sulmeve në fjalë nga ushtria azerbajxhanase kanë rënë dëshmorë 1 gjeneral, 12 ushtarë dhe një civil.
Halefov rikujtoi se ekziston një marrëveshje partneriteti strategjik midis Azerbajxhanit dhe Serbisë, ndërsa shtoi se ky hap i Serbisë nënkupton mbështetje për sulmin e vazhdueshëm kundër Azerbajxhanit dhe integritetit territorial të tij dhe se ky hap jomiqësor gjithashtu ka shkaktuar trishtim dhe zhgënjim tek populli dhe udhëheqja e Azerbajxhanit.
Zëvendësministri shtoi se ata presin një shpjegim nga Serbia për këtë çështje.
Ndërkaq e ngarkuara me punë në ambasadën e Serbisë tha se ajo nuk ka njohuri në lidhje me çështjen dhe se këtë do t’ua përcjellë eprorëve të saj.
