Lëvizja Vetëvendosje dhe Lidhja Demokratike e Kosovës nga takimi i sotëm kanë arritur të merren vesh për t’u takuar përsëri nesër për koalicionin qeverisës.
Këtë e kanë bërë të ditur dy ish-shefat e Grupeve Parlamentare të të dy partive në fjalë për media pas takimit, Avdullah Hoti dhe Glauk Konjufca.
“Patëm takim të gjatë dhe besoj mjaftë konstuktiv dhe besoj se marrëveshja do të arrihet. Jemi dakorduar të takohemi përsëri derisa t’i mbyllim të gjitha detajet”, tha Hoti i LDK-së.
Në anën tjetër, Glauk Konjufca nga Vetëvendosje është shprehur se do të takohen përsëri nesër.
“U pajtuam që taakimet tona të jenë më të shpeshta, dhe për këtë arsye nesër sërish do të takohemi dhe do t’i diskutojmë pozicionet biseduese në të cilat përfundoi takimi i sontëm dhe kështu mund t’iu them se për takimin e nesërm. Ky takim nuk do të ndodhte sikur pozicionet tona të mos përafroheshin. Ka disponimp rej të dy palëve të marrëveshja të arrihet. Ne jemi të pakënaqur me ndrrimin e dates së konstituimit të Kuvendit sepse presidenti nuk ka dhënë asnjë shpjegim”, tha Konjufca.
Discussion about this post