Ambasada e SHBA-së në Beograd ka njoftuar se po ndjekin nga afër ngjarjet në dy mbrëmjet e fundit në Beograd dhe qytete të tjera në Serbi, dhe se janë thellësisht të shqetësuar për shfaqjen e dhunës.
“Ne i dënojmë të gjitha format e dhunës, përfshirë ato që duket se janë sulme të koordinuara ndaj policisë që duket se kanë provokuar reagime të tepërta, si dhe përdorimin e dukshëm të forcës nga policia”, thuhet në deklaratën e ambasadës amerikanë në Serbi, raporton Tanjug, transmeton Klan Kosova.
