Lëvizja Vetëvendosje ka organizuar takim me gratë e vajzat aktiviste, ku u diskutua programi i këtij subjekti për emancipim dhe barazi gjinore.
Kandidati për kryeministër, Albin Kurti, ka thënë se gjysma e grave në Kosovë janë të diskriminuara e të përçmuara.
Siç tha ai, Lëvizja Vetëvendosje do të aktivizojë gratë e shkolluara dhe do t’i shkollojë gratë aktive.
“Sot jemi bashkë për ta theksuar kontributin dhe rëndësinë e grave për Kosovën, për gruan e lëvizjes dhe vetëvendosjes teksa po shndërrohemi në lokomotivën e emancipimit për gjithë Kosovën. Gratë janë më luftimtare në paqe se burrat. Sot kujtojmë edhe përvjetorin e gruas Xhevë Lladrovci e cila ishte luftëtarë mbase sa të gjithë burrat. Gratë nuk punojnë vetëm për gratë, le ti aktivizojmë gratë e shkolluara dhe ti shkollojmë gratë aktive. Kur vjen puna të papunësia dhe diskrimini, e të përçmimi, merita e të fitimi janë më pak së gjysma”, ka thënë ai.
Kurti ka thënë se qeveria e re është zotim dhe garanci për gratë në vend. Pasi sipas tij, dobësimi i shtetit godet më së shumti gratë dhe forcon patriarkalizmin.
“Qeveria e jonë e re është kushti dhe mundësia dhe zotimi ynë dhe garancia për juve. Gratë kanë nevojë për të bërit biznes, derisa shteti duhet të kujdeset për fëmijëve të tyre. Dobësimi i shtetit e godet gruan, e forcon patriarkalizmin dhe e rritë varësinë e gruas. Shteti ynë është dobësuar nga padrejtësia e pa barazia. Nga 6 tetori i jepet fund korrupsionit, mbaron koha e tenderëve që jepnin për licenca për dosta e monopol. As shitje apo uzurpim të tokave e të biznesve. Duhet ta ndërrojmë qeverinë dhe ta eleminojmë korrupsionin, duhet të fitoj vetëvendosja”, ka thënë Kurti.
Me tej, Kurti theksoi se me qeverisjen e Lëvizjes Vetëvendosje, do të fillojë një kapitull i ri i shtetndërtimit demokratik dhe zhvillimit socioekonomik.“Me qeverisjen tonë do të nis një kapitull i ri i shtetndërtimit demokratik e socioekonomik. Nuk janë të pranueshme, cenimi, shtypja, shfrytëzimi e ngacmimi. Nevojiten ligje që mbrojnë gratë e jo duke mbetur tekst i një letër të pluhnosur”,tha ai.
Deputetja e Lëvizjes Vetëvendosje, Saranda Bogujevci, ka thënë se ka ardhur koha e ndryshimit, e kjo do të bëhet në krye me Albin Kurtin.
Sipas saj, Kuvendi do të ketë aktiviste gra të cilat do ta ngrisin zërin për barazi.
“Është nder për mua që t’iu drejtohem sot, këtu edhe në këtë kohë dhe që jam pjesë e lëvizjes. Aktivizmi i gruas tregon që jo vetëm brenda lëvizjes dhe përgjatë historisë tonë tregon për ndryshimin dhe luftën që kanë bërë gratë për një jetë më të mirë. Gratë nuk kanë qenë kurrë egoiste në luftën brenda shoqërisë. Kuvendi do të ketë aktiviste që do ta ngrisin zërin pa reshtur për barazi. Secili të punoj për të ndihmuar njëri tjetrin pa dallim. Dita ka ardhë me Lëvizjen dhe Albinin e të gjithë së bashku”, ka thënë Bogujevci.
Kandidati për kryetar të Prishtinës nga Lëvizja Vetëvendosje, Arben Vitia, ka bërë të ditur programin e Lëvizjes Vetëvendosje. Siç tha ai të gjitha nivelet në arsim do të jenë pa pagesë, derisa njoftoi edhe për shtesat e fëmijëve dhe bursa studimore për vajzat.
Vitia ka thënë se Qeveria Kurti garanton barazi ekonomike.
“Gratë në sistemin tonë patriarkal bartin barrën më të madhe të kujdesit social në familje. Janë menaxhues, mësuesit dhe mjekët e familjes. Lëvizja Vetëvendosje është munduar në vazhdimësi që më punën e saj t’iu përgjigjët kërkesave të grave për t’ia larguar nga super barrën e tyre. Me programin tonë për arsimin, të gjitha nivelet e arsimit që nga çerdhet e deri te universitetet do të jenë pa pagesë. Në arsim do të fuqizojmë vajzat me 1000 bursa studimore, me prioritet ato që zgjedhin studime teknike dhe studimore. Me programin tonë për shëndetësi do të ketë vizita sistematike për parandalimin dhe edukim të vazhdueshëm për shëndetin ripordhues të grave”, tha ai.
Discussion about this post