Agim Veliu i drejtohet me gisht VV-së dhe e kthen marrëveshjen në pikën zero: ‘Vetëm me këtë kusht mund të bëjmë marrëveshje me ju’!

Lidhja Demokratike ka vendosur të mos pranojë idenë që për Presidentin të flitet pas një viti, kështu ka deklarua dyshi i sajë Agim Veliu për ‘Syri.net Kosova’

Ai ka theksuar se “duhet të qartësohet pozita e Shefit të Shtetit, në të kundërtën s’ka koalicion ndërmjet partisë së parë dhe të dytë’.

Nënkryetari i LDK’së, Agim Veliu e ka të qartësuar  “se pesha është pothuajse e barabartë  e s’ka koalicion me Vetëvendosjen nëse Albin Kurti synon ta nënshtrojë ta nënshtrojnë LDK-në”.

 Kurse sa i përket  postit numër një e numër dy të shteti Velu thotë për ‘Syri. net Kosova’’ se partisë me 29 deputetë nuk i takon të marrë dy pozitat kryesore në shtet përfshirë Presidentin”.

Por ka theksuar Velu se “nuk e pranoj as variantin që edhe LDK-ja me i pasë dy pozicionet kyçe në shtet, edhe Kryeministrin edhe Kryetarin e shtetit, sepse duhet të jetë njëfarë balance, njëfarë funksionimi normal i institucioneve”,

“Qëndrimi i LDK-së është i qartë, ne kërkojmë që ta qartësojmë deri në fund marrëveshjen, mos të lëmë çështje që rrugës na nxjerrin probleme.

 Koalicioni mund të jetë i rrezikuar kur të vjen koha e zgjedhjes së Presidentit, nëse ne nuk kemi marrëveshje mes vete, si mund të bëjmë marrëveshje me tjerët që të sigurojmë votat në Kuvend”, ka saktësuar dyshi LDK-së Veliu.