Shefi i Grupit Parlamentar të PDK-së, Abelard Tahiri tha se seanca e mbajtur kundër referendumit të Serbisë në territorin e Kosovës ka qenë e panevojshme dhe ata e kanë parë i tallje me deputetët e opozitës.
Për këto arsye ai tha se nuk kanë marrë pjesë në këtë seancë.
“Seanca ka qenë e panevojshme dhe unë e kam pa më shumë si tallje me deputetët e opozitës. Pikërisht sa i përket kësaj tallje, nuk kemi dashur të bëhemi pjesë e një seancë të tillë”, tha Tahiri.
“PDK ka qenë subjekti i parë politik që ka kërkuar nga institucionet të ruhet sovraniteti i shtetit të mos lejohet mbajtja e një referendumi të Serbisë në Kosovë. Vlerësojmë që akti i qeverisë që mos të lejohet një veprim i tillë ka qenë akt i detyrueshëm në mbrojtje të sovranitetit”, ka thënë ai.
