Të gjitha partitë politike po shprehen të bindura se do të dalin fituese në zgjedhjet e reja parlamentare që do të mbahen së shpejti. Derisa, sondazhet e nxjerrin të paren Lëvizjen Vetëvendosje, të Albin Kurtit.
Ndërsa ende nuk është shpallur data e zgjedhjeve, partitë kanë nisur t’i bëjnë kalkulimet e tyre për koalicione të mundshme parazgjedhore.
Nga ajo çfarë dihet deri tani, Lëvizja Vetëvendosje e cila prinë bindshëm aktualisht në sondazhe, pritet të ketë pjesë të listës së saj Vjosa Osmanin dhe ndonjë nga bashkëpunëtorët e saj, si dhe Mimoza Kusari-Lilan nga Alternativa e Elber Krasniqin nga Partia Egjiptiane.
Kurse PDK e NISMA e Fatmir Limajt janë në bisedime të lidhin koalicion parazgjedhor. Kështu të paktën deklaroi pak ditë më parë sekretar i NISMA’s Bilall Sherifi.
Ndërkaq LDK-ja e Isa Mustafës, ndonëse nuk kanë vendosur ende për emrin e kandidatit për Kryeministër, deri më sot janë deklaruar se do të garojë të vetme në zgjedhje, por nuk përjashtohet ndonjë koalicion në momentet e fundit duke parë se do t’i rrjedhin disa vota pas largimit të Vjosa Osmanit.
Drejtuesit e Lidhjes Demokratike të Kosovës dhe Aleancës për Ardhmërinë e Kosovës për t’i pyetur lidhur me një koalicion të mundshëm me LDK-në.
Nënkryetari i LDK-së, Lutfi Haziri, ka thënë se në parti nuk kanë diskutuar ende për koalicionet e mundshme.
“Herët është, nuk kemi as datë për mbajtjen e zgjedhjeve, deri sot nuk është fol për këtë, nuk është biseduar asnjëherë”, ka thënë Haziri.
Ai ka thënë se aktualisht janë në debat për nominimin e kryeministrit.
Ahmeti Isufi nënkryetar i AAK-së, ka mohuar se mund të ketë një koalicion parazgjedhor me LDK-në.
“Jemi deklaruar që do të dalim si parti e vetme në zgjedhje, dhe për koalicione bisedojmë vetëm pas rezultatit pas zgjedhjeve”, ka thënë Haziri.
I pyetur nëse është zhvilluar ndonjë takim ditëve të fundit lidhur me këtë çështje mes dy partive, ai ka sërish ka mohuar këtë.
“Jo nuk jemi në bisedime, sepse jemi deklaru që do të dalim në zgjedhje si parti e vetme”, ka pohuar ai.
Ndryshe AAK-ja e Haradinajt e ka lënë të hapur një koalicion paszgjedhor me Lëvizjen Vetëvendosje, dhe aktualisht kjo shihet si marrëveshje më e mundshme pas zgjedhjeve.
Kujtojmë se 7 dhe 14 shkurti shihen si data të mundshme për mbajtjen e zgjedhjeve të reja parlamentare në Kosovë. /Gazeta Mejdani/
