A ka qenë a s’ka qenë Agim Bahtiri atë natë aty!

Mbrëmë në një emision televiziv Agim Bahtiri ka deklaruar se nuk ka qenë në Kosovë kur është themeluar PAN-i dhe se ky koalicion është bërë pas shpinde të tij. Bile, tha ai, nuk ishte njoftuar nga kryetari i partisë, Behgjet Pacolli, rreth zhvillimeve të partisë, shkruan Gazeta Mejdani.

“PAN-i nuk u bë në Kosovë por në Zvicër me Veselin e Thaçin dhe Pacollin e me familjarë të vet, ndërsa nënshkrimi u bë në shtëpinë e Pacollit. Unë s’kam qenë i njoftum për asnjë proces edhe pse isha zëdhënës i parë i AKR-së” kishte thënë Bahtiri

Nga një burim tjetër mësohet se i pari i Komunës së Mitrovicës, Agim Bahtiri, i ishte gëzuar fort këtij koalicioni dhe ishte parë në përqafimin e ish-kryeministrit Haradinaj.

“Nënshkrimi i marrëveshjes është bërë në Zvicër. Aty kanë qenë Kadri Veseli, Hashim Thaçi, Behgjet Pacolli dhe familjarë të tyre. Nuk kam qenë fare i njoftuar për këtë proces edhe pse isha zëvendës i parë i zotëri Pacollit”, thotë Bahtiri.

“Jam njoftuar më vonë. Në shtëpinë e Pacollit është bërë marrëveshja. Unë e kam parë atë. Isha i zhgënjyer, andaj kam shkuar në Holandë dhe nuk kam dashur të kthehem fare në Kosovë”

Bahtiri gjithashtu ka thënë se gjithmonë ka dashur të ketë një koalicion mes AKR’së dhe Lëvizjes Vetëvendosje./Gazeta Mejdani/