Rrjeti i pajtimit “KOMRA” ka reaguar pasi Shërbimi Sekret i Serbisë (BIA) ka marrë në pyetje gazetarin Adriatik Kelmendi, i cili ishte pjesëmarrës në Forumin e XIV-të për drejtësinë tranzicionale në vendet post-jugosllave në Beograd.
Në reagimin e “KOMRA”-s është bërë me dije thirrje BIA-s serbe që të të ndërpresë veprimet e bisedave informative për avokuesit e pajtimit rajonal, pasi secilën herë që gazetari Kelmendi ka udhëtuar për në Beograd është marrë në pyetje nga inspektorët e BIA-s.
“Disa vite pa ndërprerë secilën herë nëpër kalime kufitare, aeroporte ose në arritjen në Beograd, inspektorët e BIA-s zhvillojnë biseda informative me gazetarin Adriatik Kelmendi, avokuesin publik të pajtimit rajonal, drejtorin e televizionit ‘Klan Kosova’, me seli në Prishtinë, duke e pyetur për arsyet e ardhjes dhe qëndrimet e tij politike”, është thënë në ë reagimin e “KOMRA”-s.
Reagimin e ka nënshkruar aktivistja serbe për të drejtat e njeriut, Natasha Kandiq.
