Simon Polikarp i njohur si Xhimi do të jetë në mesin e pesë kandidatëve për kryetar komune në qytetin Shtip të Maqedinisë, ka njoftuar Komisioni Komunal Zgjedhor në vendin fqinjë.
Ai tani e 20 vite jeton dhe punon në këtë qytet të Maqedonisë së Veriut, kurse në zgjedhjet e parakohshme komunale që do të mbahen në dhjetor do të provojë fatin për të parin e komunës.
Xhimi është një nga pesë kandidatët që janë paraqitur deri tani.
Zgjedhjet lokale në Shtip mbahen pasi që kryetari i deritanishëm i komunës, Bllagoja Boçvarski u zgjodh ministër për transport dhe lidhje.
Zgjedhjet e rregullta lokale në Maqedoni mbahen në vjeshtë të vitit të ardhshëm.
