Kadare nuk e fiton as këtë herë Çmimin Nobel

Ismail Kadare nuk ka arritur të fitojë çmimin Nobel për Letërsi, edhe pse ishte në mesin e favoritëve.

Çmimi Nobel për Letërsi për vitin 2018 ka shkuar për shkrimtaren polake, Olga Tokarczuk.

Ndërkaq, çmimin për vitin 2019 e ka fituar autori austriak, Peter Handke.

Akadema suedeze e ka shpërblyer Tokarczuk-un për “imagjinatën rrëfyese me një pasion enciklopedik që përfaqëson kryqëzimin e kufijve si formë të jetës”.

Ndërkaq, dhënien e çmimit për Handke-n e kanë argumentuar sipas tyre për “punën me ndikim që me zgjuarsinë gjuhësore e ka eksploruar periferinë dhe specifikimin e përjetimit njerëzor”.

Çmimi Nobel për Letërsi sivjet u nda dy herë pasi që vitin e kaluar akademia suedeze e kishte anuluar ceremoninë shkaku i skandaleve të sulmeve seksuale, konfliktit të interesit dhe korrupsionit që kishin prekur akademinë.