Një e moshuar 90-vjeçare nga Hasi ka arritur të shërohet nga coronavirusi. Përmes një postimi në rrjetet sociale ku tregon nënë Nifen, kryeministri Edi Rama i uron asaj jetë të gjatë.
“Lajm i mirë: nonë Nifja nga Hasi, plot 90 vjeç, u shërua. Tani edhe 120 të paktën o non, se 100 nuk bohet llaf”, shkruan kryeministri në Facebook.
Sipas Ministrisë së Shëndetësisë, përgjatë 24 orëve të fundit janë regjistruar 7 raste të reja me COVID-19, duke e çuar numrin e të prekurve në total në 416.
Fatmirësisht në 24 orët e fundit janë shëruar 17 pacientë, duke e çuar numritn total në 182.
“Betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor. Gjatë 24 orëve të fundit, 17 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 18”, bëri me dije dokoresha e Institutit të Shëndetit Publik, Marjeta Dervishi./Gazeta mejdani/
