Presidenti amerikan Joe Biden ka thënë se presidenti rus Vladimir Putin është një “vrasës”, dhe se së shpejti do të ndjejë pasojat e ndërhyrjes së drejtpërdrejtë në zgjedhjet presidenciale të nëntorit të vitit të kaluar, shkruan ABC News.
“Do ta paguaj çmimin, e cilat do të jenë pasojat do t’i shihni së shpejti”, ka thënë Biden gjatë një interviste dhënë, transmeton Telegrafi.
Ai këto komente i bëri pas informatave që i ka marrë nga Shërbimet Sekrete, se Rusia është përfshirë në zgjedhjet presidenciale në SHBA.
Biden për Putinin ka thënë se e njeh relativisht mirë dhe se sipas përvojës me takimet me liderët botërorë, gjëja më e rëndësishme është të njihet mirë bashkëbiseduesi.
Gjithashtu ka theksuar se nuk beson që Putin ka shpirt, e në pyetjen nëse presidenti rus është vrasës, Biden u përgjigj shkurt: “Po”.
