Partia FJALA hap fushatën në Prishtinë, nuk i fton qytetarët…!

Partia Fjala sot ka hapur zyrtarisht fushatën me sloganin ‘kundër të keqes’.

Kryetari i partisë “Fjala”, Gëzim Kelmendi, tha se sot nuk i kanë ftuar qytetarët të jenë prezent në hapjen e fushatës së partisë së tyre, pasi, sipas tij, qytetarët janë lodhur nga varfëria dhe nuk është e drejtë tu kërkohet të dalin nëpër tubime zgjedhore.

Sipas tij, platforma e partisë “Fjala” për zgjedhjet e 6 tetorit përfshinë uljen e pagesës së politikanëve, luftimi i korrupsionit dhe nepotizmit, e kjo duhet të fillojë nga politika.

Kandidati për deputet nga partia Fjala, Avni Çakmaku ka thënë se programi i partisë Fjala bazohet në moral dhe vlera për të cilat i ftoj qytetarët që t’i bashkohen këtij vizioni.

Sipas tij, synim i ‘Fjalës’ është luftimi i krimit të organizuar dhe korrupsioni, e këtë nuk mund ta bëjnë partitë tjera.

Partia Fjala ka gjithsej 50 kandidatë për deputetë në Kuvendin e Kosovës./Gazeta Mejdani/