Hudhra është një përbërës i zakonshëm në kuzhina
Aq shumë receta nga kuzhinat e gjithë botës fillojnë me fërgimin e hudhrës në vaj, por mjafton vetëm aroma dhe ushqimi të marrë një shije tjetër.
Me fillimin e ditëve të ftohta fillon edhe sezoni i hudhrës. Mund të jetë pjesë e shumë gjellëve, andaj është mirë ta mbajmë në kuzhinë në çdo moment, transmeton Telegrafi.
Si të ruhet hudhra?
Para së gjithash, me rastin e blerjes së hudhrës, kushtoni kujdes që thelpinjtë e saj të jenë të fortë. Nëse hudhra është e butë, do të thotë që shpejt do të kalbet.
Kokat e hudhrës ruani në vend të ftohtë dhe të thatë me qarkullim të mjaftueshëm të ajrit. Prandaj mos e fusni në frigorifer, përveç nëse nuk planifikoni ta përdorni në afat prej disa ditësh.
Si ta ruani thelbin e paqëruar të hudhrës?
Ruani vetëm thelpinj të paqëruar me pjesën e mbetur të kokës së hudhrës. Në rast se keni vërejtur që hudhra po mbin, patjetër pritni të gjithë pipat e gjelbër, vetëm atëherë mund ta përdorni. Ndonëse nuk janë të dëmshëm, këta pipa mund të kenë një shije të hidhur.
Lexo po ashtu:
Si t’i ruani qepët dhe hudhrat që të mos prishen me muaj?
Ruajtja e thelpinjve të pastruar të hudhrës
Meqenëse lëvorja ndikon si lyerje mbrojtëse, thelbi i qëruar i hudhrës do të kalbet më shpejt se ai i paqëruar. Ruajeni në një enë hermetikisht të mbyllur, në frigorifer. Në këtë gjendje afati i qëndrueshmërisë është deri në tri ditë.
Ngrirja e hudhrave
Po, hudhra mund të ngrihet. Duke qenë se është një ushqim që përdoret shpesh, është mirë që ta ruajmë. Hudhrën mund ta ngrini në çdo formë: të tërën, të qëruar dhe të grirë. /Gazeta Mejdani/
