Serbia synon daljen në det nëpërmes Kosovës; nënshkruan kontratën për ndërtimin e autostradës Nish-Merdare!

Sot në Serbi është nënshkruar një dokument mjaftë i rëndësishëm. Fjala është për letrën nëpërmes së ciles fqiu ynë veriorë dëshiron daljen në ujërat e hapur. Serbia vërtetë e dëshiron Adriatikun, shkruan Gazeta Mejdani

Andaj, siç është raportuar në media, është nënshkruar një kontratë financiare për ndërtimin e autostradës E-80 Nish-Merdare me vlerë 100 milionë euro.

Sipas mediave serbe, përcjell Telegrafi, nënshkrimi u vendos në dokument nga ministrja e Ndërtimit, Transportit dhe Infrastrukturës, Zorana Mihajloviq dhe drejtori i Sektorit për Italinë, Maltën, Slloveninë, Kroacinë dhe Ballkanin Perëndimor të Bankës Evropiane të Investimeve, Miguel Morgado.

Në Telegrafi lexojmë se Ministrja Mihajloviç ka njoftuar se ndërtimi i seksionit të parë të autostradës, nga Nishi në Ploqnik, do të fillojë në tremujorin e tretë të vitit të ardhshëm.

“Ne kemi punuar për tre vjet për këtë projekt. Sot kemi nënshkruar dy kontrata të rëndësishme që paraqesin një hap të rëndësishëm drejt fillimit të ndërtimit, megjithëse ka pasur shumë kritika dhe pyetje nëse ka interes për ndërtimin e kësaj autostradë”, ka thënë Mihajloviq në një konferencë për media.

Ajo thekson se autostrada Nish-Merdare nuk është vetëm e rëndësishme për zhvillimin e ekonomisë dhe lidh qarkun, por është gjithashtu e rëndësishme nga pikëpamja politike, pasi tregon interesin dhe dëshirën e Serbisë për një kompromis.

Mihajloviç tha se kjo rrugë do t’i mundësonte Serbisë dalje në det.

Sipas saj, është një nga gjashtë autostradat që do të ndërtohen në Serbi gjatë vitit 2019 dhe 2020. /Gazeta Mejdani/