Kryeministri Albin Kurti, ka marrë pjesë në betimin e 180 ushtarëve të rinj të Forcës së Sigurisë së Kosovës në Kazermën “Skënderbeu” në Ferizaj.
Me këtë rast ai tha se ndërtimi ushtrisë me kapacitetet të plota është prioritet i qeverisë së tij që garanton paqe në vend e rajon.
Sipas tij, dita kur po betohen 180 rekrutët e rinj të FSK-së ka një rëndësi të madhe.
“Rritja e buxhetit për Ministrinë e Mbrojtjes dhe FSK-në tregon për përkushtimin tonë që kemi për rritjen e sigurisë dhe mbrojtjen e sovranitetit dhe territorin tonë. Kjo tregon gjithashtu për përkushtimin tonë për ruajtjen e paqes jo vetëm në vend, por edhe në rajon dhe më gjerë”.
