Para deputetëve të Kuvendit të Kosovës ka filluar raportimi i kryeministrit Albin Kurti mbi ecurinë e deritanishme të procesit të dialogut me Serbinë.
Kurti filloi me kritika për përmbajtjet e raporteve të viteve të kaluara, të Qeverive të kaluara për procesin e dialogut.
“Në raportin e Qeverisë për dialogun e Brukselit të viteve 2014-2018 dorëzuar në qeveri në vitin 2018 dhe në raportimet periodike 2015-2017, po citoj: Është me rëndësi të theksohet se në të gjitha fushat ku janë arritur marrëveshjet e Brukselit, Serbia ka njohur pavarësinë e Kosovës, sepse marrëveshjet janë bazuar në juridiksionet e veçanta të secilit shtet dhe kanë qenë në pajtim me Kushtetutën dhe ligjet e Kosovës“, tha Kurti.
