Kryetari i Lëvizjes Vetëvendosje, Albin Kurti së fundmi ka marrur pjesë në marshin protestues“Marshojmë s’festojmë” me rastin e Ditës Ndërkombëtare të Gruas, 8 marsit
Nga aty, Kurti ka folur në ditën e gruas për numrin e grave që do të jenë ministre në Qeverinë e re.
Ai para gazetarëve ka thënë se kjo ditë duhet të na kujtojë sa duhet të punohet për gratë.
“Kjo ditë duhet të na përkujtojë se duhet të punojmë për ditë për gratë”, ka thënë ai.
Kandidati i VV-së për kryeministër ka treguar edhe për numrin e ministreve që do të jenë në Qeverinë e re.
“Ne për asnjë gjë nuk do të bimë më poshtë se që kemi qenë, ju e keni parasysh se në qeverinë e mirë të pranverës 2020-të, më pak se 5 nuk do të kemi, do të shikojmë se çka do të bëjmë edhe më shumë. Nga 58 deputetë sa do t’i ketë grupi ynë parlamentar, asnjë grua nuk ka pasur nevojë për kuotën gjinore, populli i Kosovës e ka bërë përfaqësuese të qytetarëve. 14 shkurti nuk kanë qenë një palë zgjedhje, kanë qenë referendum”, tha Kurti.
