Në vitet 2015-2019, gjigantët e internetit dhe softuereve (WebSoft) dyfishuan qarkullimin e tyre me një normë 10 herë më të shpejtë se ajo e kompanive të mëdha prodhuese.
Vitin e kaluar qarkullimi i 25 gjigantëve më të suksesshëm arriti në 1 014 miliardë në një treg që është gjithnjë e më i përqendruar dhe i dominuar nga emra amerikanë dhe kinezë: tre të parat, ”Amazon”, ”Alphabet” (Google) dhe ”Microsoft”, bënë rreth gjysmën e të ardhurave me ”Amazon”, që e vetme përbën një të katërtën (249,7 miliardë).
Sipas një studimi, fitimet, fuqia punëtore dhe vlera e tregut të aksioneve gjithashtu u rritën. Dhe urgjenca shëndetësore nuk e ka ndalur garën e tyre as këtë vit, duke i bërë më të pasur.
”Rreth gjysma e fitimit para taksave të gjigantëve të internetit dhe softuerit tatohet në vendet e subvencionuara të taksave, të tilla si Irlanda dhe Singapori, por edhe në SHBA dhe në Kinë, me një kursim tatimor prej 46 miliardë për periudhën pesëvjeçare 2015-2019”, theksoi studimi.
Sipas Departamentit të Kërkimeve të Mediobanca, shkalla e taksave është 16,4%, poshtë normës teorike prej 22,2%.
