Qytetarët e Prishtinës janë në rrezik jete. Ata po sulmohen nga qentë endacak orë e çastë, ndërsa zyrtarët e Komunës reklamohen para kamerave se kinse po bëjnë punë në të mirë të qytetarëve.
Qentë në Prishtinë i shohim në turma, duke iu vërsulur qytetarëve, e shpesh edhe duke rrezikuar jetë.
Trajtimi i qenve endacakë vazhdon të jetë një nga problemet më shqetësuese, derisa pamje të frikshme se si këto kafshë ndjekin kalimtarët kemi parë shpesh.
Një rast i tillë, ka ndodhur edhe në orët e para të mëngjesit të sotëm në hyrje të Prishtinës, gjegjësisht te rruga në afërsi të Stacionit të autobusëve.
Në këtë video mund të shihni se si disa qenë i vërsulen një femre, e cila vrapon me sa forcë që ka.
Indeksonline shkruan se sipas një dëshmitari, ajo u shpëtua, falë ndihmës të disa shoferëve të cilët janë ndaluar.
