Qeveria e Kosovës ka miratuar dje masat e reja anti-COVID 19.
Sipas njoftimit të Qeverisë, maska do të vazhdojë të jetë obligative për qytetarët e vendit.
Ndërkohë, ndryshime ka pasur në orarin e lëvizjes së qytetarëve. Kufizimi i qarkullimit të qytetarëve vazhdon të jetë nga ora 00:00 deri në ora 05:00.
Lidhur me këtë, Trafiku Urban ka njoftuar për orarin e autobusëve.
“Autobusët nga sot do të qarkullojnë në të gjitha linjat e TU sipas orarit të rregullt nga ora 06:00-22:00”, thuhet ndër të tjera në njoftim.
Po ashtu, në autobusa ndalohet hyrja pa maska, ndërsa lejohet qarkullimi me shfrytëzim 50% të kapacitetit të ulseve.
Njoftimi i plotë nga Trafiku Urban:
Njoftim
Të nderuar qytetarë në bazë të vendimit të Qevrisë me Nr.01/41 të datës 23.10.2021, autobusët nga sot do të qarkullojnë në të gjitha linjat e TU sipas orarit të rregullt nga ora 06:00-22:00.
Ndërsa kërkojmë mirëkuptim sepse jemi të obliguar ti zbatojmë këto masa të cilat kërkojmē ti zbatoni edhe ju sipas pikës së vendimit:
J. [Transporti publik]
- Ndalohet hyrja në mjetet e transportit publik pa maskë.
- Operatorët e transportit rrugor të udhëtareve lejohen të punojnë duke shfrytëzuar 50% të kapacitetit të ulëseve.
Trafiku Urban ka realizuar nisjen e fundit në ora 21:30 për pothuajse dy muaj, pasi Qeveria kishte shtrënguar masat anti-COVID.
