Sondazhi zbuloi se 40 për qind e britanikëve besonin se Rusia ndërhyri në referendumin për pavarësinë e Skocisë, ndërsa 49 për qind besonin se Rusia kishte ndërhyrë në referendumin për Brexit
Të dhënat e një sondazhi të ri të publikuar sot thonë se 49 për qind e britanikëve besojnë se Rusia ndërhyri në referendumin për Brexit, transmeton Anadolu Agency (AA).
Sondazhi u krye nga “Opinium” për gazetën “The Observer” dhe ndodhi pas publikimit të raportit të parlamentit për Rusinë, i cili zbuloi se Mbretëria e Bashkuar kishte “nënvlerësuar keq” kërcënimin e paraqitur nga Rusia për Mbretërinë e Bashkuar.
Sondazhi pyeti qytetarët britanikë për ndërhyrjen ruse në referendumin për pavarësinë e Skocisë të vitit 2014, referendumin për Brexit të vitit 2016 dhe zgjedhjet e përgjithshme në Mbretërinë e Bashkuar në vitin 2019. Për të trija rastet, britanikët kishin më shumë të ngjarë të mos besonin se Rusia kishte ndërhyrë.
Sondazhi zbuloi se 40 për qind e britanikëve besonin se Rusia ndërhyri në referendumin për pavarësinë e Skocisë, ndërsa 49 për qind besonin se Rusia kishte ndërhyrë në referendumin për Brexit.
63 për qind e atyre që votuan për të qëndruar në BE gjatë referendumit për Brexit besojnë se Rusa ndërhyri, ndërsa vetëm 39 për qind e atyre që votuan për të dalë nga BE-ja besojnë në ndërhyrjen ruse.
Sa i përket zgjedhjeve të përgjithshme në Mbretërinë e Bashkuar për vitin 2019, 47 për qind besojnë se Rusia kishte ndërhyrë.
Sondazhi zbuloi gjithashtu se epërsia e Konservatorëve, që janë në pushtet, ndaj opozitës Laburiste ishte përgjysmuar nga 8 pikë në 4 pikë. Konservatorët kanë mbështetjen e 42 për qind të të anketuarve, ndërsa Laburistët 38 për qind.
Gjithashtu, rënie pësoi edhe vlerësimi i përgjithshëm për punën e kryeministrit Boris Johnson. Tani, 36 për qind miratojnë punën e kryeministrit britanik, ndërsa 45 për qind e kundërshtojnë.
