Agim Bahtiri kalon në Vetëvendsoje; të premten i bashkohet edhe zyrtarisht me 600 aktivistë të AKR-së!

Edhe njëaderim i madh në Vetëvendosje. Kësaj radhe bëhet fjala për Agim Bahtirisn, kryetarin e Mitrovicës i cili me 600 aktivistë të tjerë të AKR-së po kalon në partinë e Albin Kurtit, shkruan Gazeta Mejdani.

Kështu, të premten kryetari i Mitrovicës së Jugut, Agim Bahtiri, do ta braktisë AKR-në e Behgjet Pacollit, dhe do t’i bashkohet Lëvizjes Vetëvendosje të Albin Kurtit.

Bahtiri këtë e ka konfirmuar në një deklaratë për Telegrafin.

“Është e vërtetë, të premten do t’i bashkohem Vetëvendosjes. Madje me minimum 600 aktivistë të tjerë, të cilët kanë qenë në AKR”, ka thënë Bahtiri.

Kujtojmë se Agiom Bahtiri edhe kohë më parë ishte përfolur se ka dhënë dorëheqje nga AKR. Mirëpo këtë ai e kishte hedhur poshtë duke thënë se vazhdon të jetë pjesë e kësaj partie.

“Çfarë dorëheqje, kurrë ma i fortë në jetë s’kam qenë. Nuk kam dhënë dorëheqje as në parti, as kërkund. Dje e kam pasur mbështetjen e fuqishme të strukturave të partisë që të bëjë koalicion me kë unë ta shoh të arsyeshme, kjo ka qenë ajo fuqia që e kam marrë dje. Unë jam në AKR dhe do të jem në AKR”, pati thënë ai./Gazeta Mejdani/