Babai i tij, Stanley Johnson, tha për BBC se kryeministri britanik duhet të “pushojë” dhe se “atij i duhet pak kohë”
Stanley Johnson, babai i kryeministrit britanik, Boris Johnson, thotë se kryeministrit i duhet kohë për t’u rikuperuar nga koronavirusi i ri (COVID-19) dhe sipas tij ka të ngjarë të mos kthehet në punë menjëherë, transmeton Anadolu Agency (AA).
Udhëheqësi i Britanisë së Madhe kaloi tre ditë në repartin e kujdesit intensiv në Spitalin Shën Thomas në Londër pasi shëndeti i tij u përkeqësua nga COVID-19. Ai u transferua përsëri në një repart të rregullt të enjten në mbrëmje dhe zyra e tij tha se ai është në “fazën e hershme të shërimit të tij”.
Babai i tij, Stanley Johnson, tha për BBC se kryeministri britanik duhet të “pushojë” dhe se “atij i duhet pak kohë”.
“Unë nuk mund të besoj se nga këtu mund të ktheheni menjëherë në Downing Street dhe të merrni frenat pa një periudhë rikuperimi”, tha ai.
Johnson u diagnostikua me COVID-19 dy javë më parë. Sekretari i Jashtëm britanik, Dominic Raab, zëvendëson atë përderisa ai ndodhet në spital.
