Haradinaj: Ja çka tha Kadri Veseli para një zyrtari të lartë për mua!

Kadri Veseli dhe Hashim Thaçi janë ekip, ka thënë kryeministri në detyrë, Ramush Haradinaj.

Haradinaj, në RTV Dukagjini ka thënë se ata së bashku janë përpjekur për ndarjen e Kosovës dhe e kanë luftuar atë për shkak të qëndrimeve të tij.

Ai ka thënë se megjithëse ata dy kanë probleme ndërmjet vete, ende i shërbejnë njëri-tjetrit.

“Janë ekip. I kanë do idhnime, por shërbëhen me njëri-tjetrin”, ka thënë Haradinaj.

Ai ka treguar për herë të parë një ndodhi kur ishte kryeminsitër, ku ishte i përfshirë edhe Kadri Veseli dhe një zyrtar i lartë i huaj, emrin e të cilit nuk e ka përmendur,

“Kadria iu drejtojke ni zyrtari të lartë, i thoke a i ka prishë Kryeministri marrëdhëniet me ju. Zyrtari i lartë thojke që na jemi familje, kryeministri i ka do dallime, por na jemi familje. Ky prapë e pytke, edhe i thoke që unë e prishi koalicionin, krejt kjo në praninë time”, ka thënë Haradinaj.

Kryeministri në detyrë i është përgjigjur dekaratave elektorale të Veselit se Ramush Haradinaj e ka lënë në “lloq”.