Feja është një bindje e brendshme e njeriut, ku, ai ka qëllim të arrijë tek Zoti, ku përmes feve të caktuara, ata i nënshtrohen rregullave të caktuar përmes së cilave jetojnë një jetë të qetë shpirtërore.
Shkruan: Besnik Kalisi
Për ne Shqiptarët dihet që feja ka pasur rol të rëndësishëm në themelimin e kombit Shqiptarë, ku ndër personalitet më me ndikim të asaj kohe kanë qenë predikues fetar.
Fakti qe në Kosovë nuk jemi thirrur shumë në emër të fesë edhe pse kemi jetuar me vyrtytet e saj, është së feja ka qenë në plan të dytë dhe ndoshta jemi ndikuar nga sundimet e huaja, duke dal në pah shpirti nacionalist!
Si çdo vend që del nga një luftë, me plotë parregullsi dhe pamundësi kontrrolli për shumicën e gjërave edhe Kosova kishte fatin të vihet në këtë sprovë, ku ka qenë një arenë e përshtatshme për interesat keqbërëse ndaj vendit tonë, duke u futur shumë rryma fetare muslimane dhe krishtere.
Këto rryma për t’i shtruar aktivitet e tyre janë fokusuar në fëmijë apo persona të harruar nga shteti, ku ata duke i joshur me të holla dhe me “aktivitete bamirëse” kanë arritur t’ia shperlajnë trurin dhe këta të fundit të bien pre e këtyre rrymave keqbërese duke mos ditur interesin që fshihet prapa saj.
Me ideja terroriste apo ekstremiste, këto ideologji fare nuk përkojnë me vlerat e mirfillta fetare, ku më shumë vihet në pah feja Islame ku dihet edhe lufta e hapur që bëhet ndaj saj( duke u munduar të i’a humbin imazhin apo ta njollisin atë).
Duke parë rrezikun qe po na kanoset, duhet një plan praktik për t’i zgjidhur këto problematika, ku zgjidhja me e mirë do të ishte mësim-besimi nëpër shkolla, ku edhe e drejtë e çdo fëmije të mësoj për fenë që i takon, ku kjo e garantuar edha nga konventat ndërkombëtare e vitit 1948 nga Asambleja e përgjithshme e Kombeve të Bashkuara.
Ligjeratat rreth fesë nga teolog të kualifikuar, do të trajtonin tema të përshtatshme për nivelin tyre dhe gradualisht duke futur vlera të mirfillta fetare.
Për ata që janë skeptik apo kundër, nxënësit nuk është se bëhen hoxhallarë ose priftrinjë nëse kanë orë fetare, ashtu si ata nuk mund te bëhen profesionista të të gjitha lëndeve që i kanë gjatë shkollimit!
Model për këto kemi shtetet si Gjermania, Belgjika , Italia edhe shumë vende të tjera..!
Këto shtete i praktikojnë këto si masë preventive që fëmijët e shtetit përkatës të mos bien pre e këtyre rrymave që rrjedhimishtë proklamojnë vlera jo fetare, ide terroriste (nga interesat politike) duke sjellur destabilitet dhe kjo do t’i hapte probleme të shumta dhe me pasoja shumë të rënda.
Rugës së kësaj duhet të shkojë edhe Kosova që do t’i menjanonte shumë problematika, ku duhet kursehemi nga këto dukuri duke e ditur fuqin tonë të reagimit!
Në botën diplomatike, problematikat duhen parandalohen e jo të ndalohen!
Pra për të pasur një rini të shëndosh, ne duhet ti rrisim femijët tanë me vlera fetare.
