Mbledhja e parë e Kryesisë së re: LDK sot vendos për emrin e kandidatit për kryeministër!

Lidhja Demokratike e Kosovës sot prej orës 11:00 do të mbajë mbledhjen e kryesisë së re. Sipas Isa Mustafës, kryetar, kjo mbledhje do të zgjasë për aq sa do të propozohet emri i kandidatit për kryeministër. transmeton Gazeta Mejdani.

Kreu i LDK-së, Isa Mustafa, deklaroi se gjatë kësaj mbledhje do të vendoset edhe kush do të jetë kandidati për kryeministër nga kjo parti.

Sipas tij, mbledhja do të zgjasë derisa të dalë propozimi për kandidatin për kryeministër duke lënë të nënkuptohet se ajo edhe mund të zgjasë.

Mustafa tha se në partinë e tij ka 4 apo 5 figura të cilët do të mund të ishin mandatarë.

Në lidhje me koalicionet, Mustafa paralajmëroi Lëvizjen Vetëvendosje se nuk do të heqin dorë nga pozita e kryeministrit.

Sipas tij, LDK-së nuk i ngutet për koalicione dhe se parimisht janë që të hyjnë vetëm në zgjedhje.

Ndryshe, kryesia e sotme e LDK-së sot vetëm do të propozojë emrin për mandatar pasi fjalën e fundit do ta thotë Këshilli i Përgjithshëm i partisë. /Gazeta Mejdani/