LDK gati!

Janë disa njerëz që shkruajnë shumë, por thonë pak, e ka disa të tjerë që shkruajnë vetëm dy fjalë, por thonë tepër shumë.

Kështu sot, deputeti nga radhët e LDK-së, Dr. Naser Rugova ka shkruar një status aq të shkurtër por aq kuptimplotë, sa nuk iu deshën më shumë se edhe vetëm dy fjalë për ta thënë krejt atë që ka dëshiruar ta thoshte.

“LDK gati”, ka thënë Dr. Rugova në fjalinë e parë, “Shkoi PAN-i”, për ta përfunduar me të dytën.  

Dje gjithashtu, Dr. Rugova ka kritikuar ashpër Qeverinë Haradinaj për emërimin e diplomatëve në 8 shtete të ndryshme. Ai ka thënë se me gjithë që Haradinaj i është drejtuar Gjykatës Kushtetuese për të mësuar se çfarë kompetencash ka të drejtë të ushtrojë, ai prapëseprapë ka emëruar diplomatë jashtë vendi.

“Logjikë bashibuzukësh”, ka shkruar Dr. Rugova në llogarinë e tij në Facebook!

E për ta treguar gatishmërinë e LDK-së për zgjedhjet e parakohshme që do të mbahen së shpejti, në një status tjetër të tij Dr. Rugova gjithashtu ka thënë: “Nuk po hymë në garë që ta fitojmë pushtetin, ne do të fitojmë për ta dëshmuar që nuk jemi si ata”./Gazeta Mejdani/