Beçkoviç: Malazezët janë heronjtë e pamboshtur të Kosovës që e humbën atë dhe u dorëzuan pas gjashtë shekujsh!

Akademiku serb, Matija Beçkoviç, i cili në vitin 1989 kishte thënë se fjala “Kosovë” është fjala më e shtrenjt serbe, në vitin 2019 i pyetur se tani cila duhet të jetë më e shtrenjta, thotë: Ajo që është një herë më e shtrenjta, gjithmonë mbetet më e shtrenja.

Po ky akademik ultra-nacionalist, ditëve të fundit ka këshilluar presidentin e Malit të Zi, Milo Gjukanoviç, ta tërheqë njohjen e Kosovës. Sipas tij, malazezët janë popull trim, kanë historinë e vet të madhërishme dhe e flasin të njëjtën gjuhë me serbët, sikur që e përdorin të njëjtin alfabet me vëllezërit e tyre serb.

Duke thënë se Milo Gjukanoviç vjen nga një familje e ndershme dhe se ai beson se Mali i Zi do të tërheqë njohjen e Kosovës, Patriarku serb Irinej ka kërkuar nga presidenti malazez që të kthehet kah vetja, kah rrënjët dhe e vërteta e tij, i ka thënë Matija Beckovic një mediumi rus, transmeton Gazeta Mejdani.

“Unë nuk do të befasohesha nëse Djukanoviç e bënë një ditë. Ne të gjithë e dimë se çfarë është dhimbja dhe telashja. Por e dimë gjithashtu e kush jemi, gjuhën e kujt e flasim e me çfarë shkrimi shkruajmë. Dhe nëse ai një ditë tërheqë njohjen e Kosovës, të gjithë këtu do të thoshin – e kemi ditur këtë, ju kam thënë unë këtë, a e keni dëgjuar çfarë thoshte ai.E kishte mirë kur fliste”, thotë Beçkoviç.

Beckovic beson se deklarata e patriarkut ka një peshë të madhe, duke pasur parasysh që malazezët gjithmonë janë të prirë për dëlirësi dhe heroizëm.

“Para së gjithash – Mali i Zi pa Kosovën nuk ekziston. Kosova e krijoi Malin e Zi. Malazezët janë heronjtë e pamboshtur të Kosovës që u dorëzuan tani pas gjashtë shekujsh. Dhe besoj se Gjukanoviç do ta kishte marrë atë vendim poqëse ai nuk do ta kishte prerë degën në të cilën ulet”, përfundon Beckovic.