Më 22 maj kemi hyrë zyrtarisht në sezonin e Binjakëve dhe siç e do tradita, vëmendja më e madhe përqendrohet tek to deri në 21 qershor.
Çfarë e dallon shenjën e pavendosur të Binjakëve fizikisht nga të tjerat?
Fytyra
Sytë nuk janë të mëdhenj, por janë të ndritshëm dhe mund të jenë blu, gri, të kaltër ose në ngjyrë kafe. Shprehja e fytyrës është plot drite dhe jetë, por gati për të ndryshuar nga momenti në moment. Ata janë nervozë dhe kjo duket sidomos në sytë e tyre të mprehtë. Buzët janë të plota dhe goja është ekspresive. Lëkura ka ngjyrë të zbehtë, por mund te nxihet nga dielli lehtësisht.
Trupi
Shtati i tyre është mesatar, por mund të gjesh edhe persona të shkurtër. Supet janë zakonisht jo shumë të gjera. Trupi i njerëzve të shenjës së Binjakëve bën lëvizje të shpejta dhe është i stërvitur. Energjia e tyre është dinamike dhe e gjallë.
Burrat Binjakë
Kryesisht ai është i gjatë dhe i hollë, me krahë dhe këmbë të gjata.
Gruaja e Binjakëve
Gruaja e kësaj shenje është fizikisht e hollë. Ka një fytyrë ekspresive, me lëkurë me pak pigment, më buzë të bukura dhe mishtore.
Veçori të tjera:
Mërkuri, planeti që e udhëheq këtë shenjë, i jep Binjakëve një mendje të mprehtë dhe talent në të shkruar e në të folur. Ata flasin shumë shpejt. Mund të bëjnë lëvizjen e radhës kur ju nuk e prisni fare.
Këta persona janë disi të prapët në mënyrën sesi sillen. Kur arrijnë të trullosin të tjerët, ata çuditërisht marrin kënaqësi.
Fëmijët e vegjël i pëlqejnë personat e shenjës së Binjakëve dhe do të duan të rrinë me ta, pasi do ndihen sikur po lozin me moshatarin e tyre, të mbushur me hare e gëzim fëmijëror, shkruan Anabel.
Binjakët zakonisht janë anksioze dhe ndonjëherë nevrikë, prandaj janë të prirur që t’i shtyjnë gjerat që kanë për të bërë për më vonë. Ata mërziten shumë shpejt me diçka që po merren dhe kjo i bën të ndihen të lodhur dhe të përtojnë që ta mbarojnë atë që kanë marrë përsipër.
Ata janë të prirur që ta harxhojnë kot energjinë e tyre, duke qenë se merren me shumë gjera në të njëjtën kohë.
