Prindërit shpesh mendojnë që jastëku do t’i ofrojë ngushëllim fëmijës, por nuk e kuptojnë që fëmija do të ndihet më mirë pa të.
Në vitin e parë bebet duhet të flenë pa jastëk, si edhe pa mbulesa dhe lodra, për shkak të rrezikut nga ngufatja, mirëpo ekspertët konstatojnë që as fëmijët më të mëdhenj nuk duhet të flenë me jastëk, transmeton Telegrafi.
Qoftë që flenë me prindërit apo në krevatin e tyre, në vitin e parë bebet do të duhej të flenë pa jastëk, si edhe pa batanije, mbulesa dhe lodra.
Vetëm pas gjashtë muajsh bebja mund të heqë nga fytyra atë që ia ka mbuluar fytyrën dhe mund të rrotullohet në mënyrë të pavarur nga shpina në ijë dhe anasjelltas.
Mirëpo, në cilën moshë është e sigurt që fëmijës t’i jepet jastëku i parë…?
“Në fakt, edhe fëmijët më të rritur nuk kanë nevojë për jastëk. Prindërit shpesh mendojnë se jastëku do të sigurojë rehati shtesë për fëmijën, por ata nuk e kuptojnë se fëmija ishte mjaft mirë pa të.
– Nëse dëshironi t’i jepni fëmijës tuaj një jastëk, është më mirë të prisni që fëmija të lëvizë nga krevati në një shtrat më të madh. Nëse dëshironi t’i jepni një jastëk ndërsa ai është ende duke fjetur në djep, merrni atij një më të vogël (sa një jastëk për të udhëtuar me aeroplan) dhe një më të fortë.
– Asnjëherë mos blini jastëkë të mbushur me pupla, sepse ato janë shumë të buta, ato mund të shkaktojnë alergji dhe të mbytin një fëmijë nëse koka e tij zhytet në të ndërsa fle ”, këshillon Judith Owens, një pediatër dhe ekspert i gjumit.
