VIDEO – Vëmendje: Fjalët ngjethëse të dëshmorit të lirisë, drejtuar pushtetarëve!

Një monolog që u realizua së fundmi, i frymëzuar nga ngjarjet reale e aktuale në vend, është duke thyer rekord në këtë kohë moderne e me plot peripeci. Ai u realizua në kohën e fushatës parazgjedhjesore, kur vërtet pushtetarët pareshtur po japin nga dita në ditë premtime e premtime boshe.

Monologu synon t’ua përkujtojë udhëheqësve të shtetit se dëshmorët nuk duhet të harrohen kurrë, sepse gjaku i tyre i solli aty ku janë sot. E nëmura e nënave të këtyre dëshmorëve do t’u kushtojë atyre shtrenjtë një ditë, e që do të jetë shumë vonë për kërkimfaljen e tyre.

Interpretimi i këtij monologu kërkon vëmendje të veçantë dhe gjithsesi vlen të shpërndahet gjithandej në botën virtuale, në mënyrë që porosia e dëshmorit të përcillet në veshët e atyre që janë pjesë e shtetit dhe e pushtetit posaçërisht.

Teksti u shkrua nga poeti i ri Lumi, ndërkaq u interpretua nga narratori Mentor Hajrizi. /Gazeta Mejdani/