Ministri i Jashtëm i Tajvanit, Joseph Wu, njoftoi të premten një ndihmë prej 8 milionë dollarësh për kryeqytetin ukrainas, Kiev, gjatë një bisede me kryetarin e bashkisë së Kievit, Vitali Klitschko.
Sipas deklaratës, donacioni përfshin 3 milionë dollarë për qeverinë e Kievit dhe 5 milionë dollarë shtesë për gjashtë spitalet lokale. Kjo është hera e katërt që Tajvani dërgon donacion për vendin e shkatërruar nga lufta.
Gjatë video-telefonatës, Wu tha se pushtimi i Rusisë në Ukrainë jo vetëm që shkaktoi dëm të madh për popullin ukrainas, por kërcënoi gjithashtu rendet ndërkombëtare dhe komunitetin demokratik, shkruan CNN, transmeton kk.
Ai shtoi se Tajvani dhe Ukraina janë partnerë që ndajnë ideologjinë demokratike dhe janë në ballë të pengimit të zgjerimit të totalitarizmit.
Klitschko falënderoi Wu për donacionin nga qeveria dhe populli tajvanez, duke thënë se “paqja mund të fillojë vetëm kur ushtari i fundit rus të largohet nga Ukraina”.
Më parë Tajvani kishte ndihmuar Ukrainën edhe me 20 milion dollarë të tjera.
Tajvani dikur ishte i interesuar të bënte investime të mëdha në Kosovë, por për shkaqe të çuditshme, Kosova i refuzon ato ndihma dhe stopon investimet tajvaneze. Para këtij interesimi tajvanez për investime në vendin tonë, Tajvani kishte ndihmuar Kosovën e pasluftës gjithashtu në miliona dollarë.
