Sot në ditën e xhuma, në të gjitha xhamitë e Republikës së Kosovës, janë mbledhur para për të prekurit nga tërmeti në Shqipëri.
Në hytben (ligjeratën e së premtes), me kërkesë të Bashkësisë Islame të Kosovës qytëtarët dhe xhematlinjtë e xhamive dhuruan aq sa kishin mundësi për të ndihmuar sado pak të prekurit nga tërmeti.
Këto të holla që u mblodhën sot në xhamitë e Kosovës, Bashkësia Islame e Kosovës do t’i dhurojë për nevojtarët të cilët humbën familjarë, u lënduan dhe humbën shtëpitë e tyre shkaku i tërmetit.
Megjithë që Redaksia e Gazeta Mejdani është munduar të sigurojë informacione rreth shumës së parave të tubuara sot, kjo nuk qe e mundur. Arsyeja është se jo të gjitha xhamitë kanë arritur t’i dozërojnë raportet e tubimit të parave. Sipas një zyrtari të BIK-ut, kjo do të ndodhë në fillim të javës që vjen.
Ky është edhe njoftimi që BIK bëri për këtë aksion që do të mbahej sot në namazin e xhumas: “Të premten, në të gjitha xhamitë e Kosovës, aksion për ndihmë vëllezërve të prekur nga tërmeti në Shqipëri
Kryesia e Bashkësisë Islame të Kosovës, ditën e premte, më 29 nëntor, në të gjitha xhamitë e Kosovës, pas namazit të xhumasë, organizon aksionin për grumbullimin e mjeteve financiare për ndihmë të prekurve nga tërmeti i ditës së sotme në Shqipëri.
Ndihma mund të ipet edhe përmes transferit bankar në xhirollogarinë:
NLB Banka XK051700200100103672
SWIFT Code: NLPRXKPR , Ndihma për Shqipërinë
Kryesia e BIK, fton të gjithë besimtarët dhe qytetarët e vendit të gjejnë forcë e kurajë që të solidarizohen dhe t’u dalin në ndihmë vëllezërve dhe motrave tona për të përballuar dëmet dhe për ta tejkaluar gjendjen nga tërmeti i sotëm.
Hytbeja e sotme e xhumasë iu kushtua solidaritetit dhe ndihmës ndaj njëri-tjetrit në raste vështirësish dhe fatkeqësish”./Gazeta Mejdani/
Discussion about this post