Në çajin e gjelbër gjenden më tepër se 300 përbërës nga të cilët disa kanë cilësi shumë shëruese, konsumimi i këtij çaji rekomandohet për preventivë të shumë sëmundjeve, transmeton Gazeta Mejdani.
Dimri është koha ideale të filloni “terapinë” me çajin e gjelbër dhe të këndellni organizmin në tërësi. Në vend të kafes së mëngjesit, zgjohuni me një filxhan çaj të gjelbër.
Përparësitë e çajit të gjelbër:
Kjo pije përmban substanca të çmuara, siç janë polifenoli, katehina, kuercetina, kafeina, teofilina, teobromina, vitaminat C, E, B dhe K, mineralet dhe oligoelemente, zink, kalium, magnez, të cilat kanë veti diuretike.
Është antioksidant i fuqishëm, sepse parandalon aktivitetin e radikaleve të lira të cilat shkaktojnë shfaqjen e sëmundjeve malinje, kardiovaskulare dhe të tjera. Përveç kësaj, pastron trupin nga toksinat, përshpejton metabolizmin, lehtëson dhimbjet, ngadalëson procesin e plakjes dhe zvogëlon nivelin e kolesterolit në gjak.
Është efektiv edhe kundër inflamacioneve, rregullon punën e gjëndrës tiroide, vepron kundër depresionit, largon dhimbjet reumatike, mbron nga kariesi, rigjeneron mëlçinë.
Hulumtimet kanë treguar që kafeina e çajit stimulon koren e trurit të madh, për shkak të së cilës njeriu i lidh më shpejt mendimet. Me këtë rritet aftësia e kujtesës, përmirësohet koncentrimi, motivimi dhe durimi e qëndrueshmëria, ndërsa puna intelektuale bëhet më e lehtë dhe më e suksesshme.
Disa përbërës të çajit të gjelbër mund të mbrojnë qelizat e trurit nga proceset e dëmshme që përcjellin sëmundjet e Alzheimerit dhe Parkinsonit.
Çaji i gjelbër parandalon zhvillimin dhe përparimin e kancerit. Katehinet, të cilat janë të pranishme në këtë pije, parandalojnë veprimin e enzimës së urokinazës, përgjegjëse për ndërrimin e qelizave të shëndetshme me ato kanceroze. Kur urokinaza bllokohet, qelizat e kancerit vdesin, sepse humbin burimin e proteinave.
Shkencëtaret japonezë kanë zbuluar që çaji i gjelbër është efektiv në parandalimin e kancerit të ezofagut dhe të gjirit, parandalon shfaqjen e kancerit të stomakut, mëlçisë dhe prostatës dhe përmirëson gjendjen shëndetësore të njerëzve të sëmurë nga sëmundjet malinje.
Hulumtuesit në Japoni kanë identifikuar përbërësin e çajit të gjelbër i cili bllokon receptorin kyç të qelizave të përfshira në zhvillimin e reagimeve alergjike.
Të gjitha cilësitë shëruese të cilat i ka do t’i merrni nga ky çaj vetëm nëse e përgatitni në mënyrën e duhur.
Nuk rekomandohet të përgatitet me ujin i cili është vluar, por me ujin i cili është nxehur në 60-70 gradë Celsius, pra pak para vlimit.
Dobinë më të madhe nga çaji i gjelbër do ta keni nëse e pini të sapopërgatitur, i cili ka qëndruar midis tre dhe pesë minutash.
Për ta liruar katehinën, përbërës aktiv i çajit, përzieni mirë para se ta pini. /Gazeta Mejdani/
